ஒவ்வொரு ஸ்ரீவைணவ ஆசாரியரின்
மென்மையானதும் அழகியதுமான அத்தூய திருவுள்ளம்,
மதிநுட்பத்துடன் கூடியதும் உயர்ந்ததும் ஆழ்ந்ததும் பரந்ததுமானத் தெளிந்த சிந்தனைத்திறன்,
தூய்மையும் கம்பீரமும் நிறைந்த அத்தூய திருவாக்கு
இவற்றை எல்லாம் எவ்வளவு புகழ்ந்தாலும் போதாது! முடியாது!
திருமகள் கேள்வன் மற்றும் ஆழ்வார்களின் நேரடியான அருளைப் பெற்றவர்களும்
ஸ்ரீவைணவர்களின் குலபதியாம் நம்மாழ்வார் திருவருளால் அனைத்துப் பாசுரங்களையும் அவற்றின் உண்மைப் பொருள்களையும் அறிந்தவர்களும்
ஆகிய இந்த மகான்களின் உரைகளின் பெருமையை ஓரளவு உணர்ந்தாலும் அப்பேரின்ப அனுபவமே தனி!
அந்த உரைகளிலிருந்து சில அமுதத் துளிகளைத் தொண்டர்க்கு அமுதுண்ண சொல்மாலையாகச் சமர்ப்பிக்கின்றேன்.
அடியேனுக்கு நான்காயிரம் பாசுரங்களில் வெகு சிலவற்றைத் தான் மனப்பாடமாகத் தெரியும்! இப்பொழுது தங்களுடன் பகிர்ந்துகொள்ளப்போவது அனைத்தும் சில கட்டுரைகளில் / நூல்களில் படித்தோ அல்லது உபன்யாசங்களில் கேட்டோ ‘அட! இதில் இவ்வளவு பொருளாழம் உள்ளதா!’ என்று எண்ணி எண்ணி மகிழ்ந்தவை. அடியேனை ஸ்ரீவைணவ ஆசாரியர்கள்பால் மேலும் ஈர்த்தவை.
தங்களுக்கும் அதே இன்பத்தைப் பயக்குமா என்று தெரியவில்லை. “லோகோ பின்ன ருசி:” - உலகத்தில் ஒவ்வொருவருக்கும் ஒவ்வொரு சுவை பிடிக்கும். இருப்பினும் மதுரமான பண்டங்களைத் தனியே உண்ணல் ஆகாது. அதனால் பகிர்ந்துகொள்கின்றேன்.
நற்றமனைத்தும் அடியேனின் கம்பீரமான ஆசாரியர்களையே சாரும். குற்றமனைத்தும் அடியேனுடையவை என்பதில் எள்ளளவும் ஐயமில்லை.
பொருளுரை
No comments:
Post a Comment